Jane do yaaron, Ab Dil nahi lagta…

03:28:00


Cinema ka hero ab robotic dance karte huye aaya hai,
Isse kya malum Rajesh Khanna ne bina dance kitno ko nachaya hai,
Item song dekh kar rona ajata hai,
Kaha gayi woh Sharmila aur Rekha si nazakat,
Soch ke dil ghabrata hai,
Na jaane kyu hai ye waqt badalta
Jane do yaaron, Ab Dil nahi lagta…

Akbar ke panno mein ab cartoon nahi aate,
TV par cartoon ab China se hai hum laate,
Scooby Doo aur Uncle Scroochi ki awaaz humein abhi bhi yaad hai,
Disney Hour dekhne dil abhi bhi taiyaar hai,
Na jaane kyu hai ye waqt badalta
Jane do yaaron, Ab Dil nahi lagta…

Netflix par picture nahi hum aaj bhi FRIENDS hi dekhte hai,
Haan kabhi kabhi Sacred Games se bhi behekte hai,
Par TV ke saamne baithkar Shaktimaan dekhne mein kuch alag hi mazaa tha,
Zimmedariyon ke pehle ka woh waqt hamara tha,
Na jaane kyu hai ye waqt badalta
Jane do yaaron, Ab Dil nahi lagta…

You Might Also Like

Comment With Your Choice

No comments: